若果話淘大係一個交通非常方便0既地方，相信冇乜人會反對，對我而言，淘大比德福、德寶等更有優勢，因為需然搭地鐵要行5-10分鐘，但過海巴士101同619都係淘大較近，更加唔好講路線極廣而又快0既紅小，出入旺角必搭!
港鐵
淘大距離港鐵B出口步行約五至十分鐘
巴士
過海去灣仔至西環可以搭101(班次超密)，巴士站位於淘大對面(上圖)。其他途經路線還有28, 13X, 13D, 2A, 6D及89。
北角至中環可以搭經東隊0既619(振華苑樓下有站)(上圖)
鰂魚涌至柴灣有 606p 朝早兩班車 牛頭角巴士總站上 (14B個站，參考下文有關13X及14B部份) ，但其他時間就要坐地鐵或先到觀塘再轉往柴灣0既小巴。
觀塘道巴士站－港鐵站對面
去香港仔可以搭671(班次較疏)。留意671的站位於觀塘道101落車的那個站(上圖)而非德福那一邊，因此線經東隧。
觀塘道巴士站－近港鐵站
新界地區包括元朗(268C, 269C)、屯門(259D,62X等)、上水(70X)、粉嶺(277X)、大埔(74X, 74A等)、沙田(80X, 89X等)、葵芳等都有特快線一程直達， 但荃灣則只有42C較快(於熊貓酒店落車)，否則坐40號真係有排坐。(九巴網頁)。除往沙田(經市中心)的89於牛頭角道等車外(星展對面)，所有往新界路線都是於德福(上圖)那一邊上車。
往東涌及機場請搭E22但該線需先繞經樂富及九龍塘，或者可以搭A22直達機場，當然價錢較貴。由機場出發若果E22A(終點站為將軍澳)有車的話建議貴0的都照搭，因為唔經九龍塘及樂富，快好多，但此線往機場方向則不停九龍灣。(城巴網頁)
淘大3期對開有一巴士總站，是本區往九龍南的重要巴士站。乘搭28經機場隧道可於約15分鐘到達土瓜灣、25分鐘至達紅磡及35分鐘到達尖東一帶，而13X則經機場隧道及東九龍走廊到佐敦、尖沙咀及尖東。一個小貼士，往尖東的話乘28較快。
該總站亦是6D(經石硤尾往荔枝角，但需繞經新蒲崗)及14B(往藍田廣田村，觀塘牛頭角的街坊線)的總站及經觀塘往順天的23M。
紅小
基本上紅小可以載你去港九新界，唔少地方都可以一程到達，除西貢及荃灣線外，等車地點均在淘大商場東亞銀行對面的安全島，美孚及青山道車均設一分站於安全島附近的公園仔旁。
上圖為等候紅小的安全島，前方為綠色小巴分站